طريقتي في الاستعداد للاختبارات :$

سلاام  كيفكم شخباركم :$  بما انه اختبارتنا قربت  وجلست اجهز نفسي للاختبارات قلت ليش ما اقولكم طريقتي في المذاكره وترتيباتي ممكن تاخذوا نفس طريقتي وممكن تقتبسون الاشياء اللي تناسبكم  طيب :$ 

اول شي راح تكتبي بورقه المواد حقتك وكل ماده كم تحتاج يوم واذا كنتي اختبرتي فيها من اسبوع ماراح تحتاجين انك تراجعينها ، وتشوفين كم عندك يوم لحد الاختبارات 

بعد كذا تشوفين جدولك اختباراتك تشوفين المواد اللي انتي مضغوطه فيها ومافي قبلها يوم اوف والمواد اللي يمديك تذاكرينها بالراحه 

طيب هذا جدولي وبقولكم كيف رتبت وقتي بناء عليه 

 

 

اللحين عندي ٥ مواد بختبر فيها فاينال 

اول شي سلم "ثقافة اسلامية" الماده هذي اختبرت فيها شهري من زمااان يعني هه نسيتها وتحتاج وقت لانها تعدادات وفيها ادلة قرانية يعني لازم ولا غلط . 

الكتاب فيه اربع اقسام وكل قسم فيه تقريبا ثلاث وحدات . 

خليت القسم الاول والرابع بيوم لانهم قصيرات وواضحات . 

ويوم للقسم الثاني ويوم للقسم الثالث .

بعد كذا القانون فيه جزئيات كثيره اختبرنا فيها شهري وكويزات وحددت للماده ثلاث ايام لكل يوم جزئية .

عندكم الاداره فيها كلام كثييير وتعاريف ومقارنات ونظريات فيه جزئية اختبرتها بداية الاسبوع تعتبر مراجعه قسمته على يومين لانه اساسا قبل الاختبار عندي ٥ ايام فاضيه يمديني اذاكر فيها .

الانجلش لو جا مجال اني اراجع فيه براجع وفيه كلاسات بالجامعه بنراجع فيها مع التيتشر .

 

اخر شي المحاسبه هالماده تحتاج شوية تركيز وامس اختبرت وحدتين وخصصت يوم اراجع فيه الوحده الاولى والثانيه ويوم للوحده الخامسه .

وهذي تقسيمي للجزئيات لكل ماده :

 

 

اللحين احنا حددنا كل ماده كم تحتاج من يوم اللحين نرتب هالايام بجدول . 

طيب عندي فرصة ١٠ ايام وبعدها ابدا اختباراتي  .

 

قسمت هالايام بحيث اني ابدا من اليوم بالقانون وبعدها المحاسبه وبعدها الادارة وبعد كذا السلم بجلس عليه ٤ ايام لان بعده الاختبار يوم الاثنين ..

رتبتي جدولك للمراجعه يبقى اللحين ترتبين جو للمذاكره ^_^ 

اول شي خلي كل شي قريب منك وجهزي الاشياء اللي تحتاجينها وكتبك حطيها قدامك واهم شي اجمعي اوراق كل ماده وحطيها بملف لحالها واذا انتي فمكتب احلى واحلى 

حطي جدول المراجعه وجدول الاختبارات في اللوحة اللي قدامك 

هذي بعض من اغراضي ماجمعت كل شي ..

والاككككل :$ حطييه قريب اتوقع اهم شي بالاختبارات ههههههههه p: 

انا عن نفسي المويه احطها جنبي علشان مااصير طالعه داخله واسويها عذر علشان اخذ لفه ..

 

عاد هذا كورنر صغير للاكل الاشياء الثانيه بالدرج p:

 

 

 

وحاولي حاولي قد ماتقدرين تراجعين من بدري علشان تخلصين بدري وتسوينلك شي تحبينه يعني { فيلم ، تطلعين سوق ، تحطين مااسك ، والا تاخذين شور مأنتك }

اخر شي انتظرر هاليوم يجي .. واعططططل 

 

 

وبالتوفيق يارب ..  اي شي حابين تحكونه حسابي بالتويتر @lamiia_4