الوقاية من الشمس ..

مساء الخير ي جميلات اخباركم ؟!
اليوم بتكلم عن شي مهم وكثير مننا يتجاهلونه , البوست اليوم بيكون عن الوقايه من أشعة الشمس واهميتها ..

 

 

 

 

 

 

اذا انتي ماتهتمين بواقي الشمس !!
توقعي بقع داكنه والكلف . توقعي حبوب وتجاعيد! انتي بغنى عن هذي المشاكل بشي بسيط ولا يأخذ منك وقت . بس حافظي على واقي الشمس .

طبعا اذا حافظتي على الواقي انتي حافظتي على بشرتك للمدى الطوويل والقصير .

واقيات الشمس اشكال وأنواع فيه لوشن وفيه كريم وفيه سبراي , فيه اللي معاه أساس , وفيه اللي حمايته 15 وفيه 30 ...
والشركات لا تعد ولا تحصى .. يعني المجال مفتوح لك .

انا عن نفسي احب تكون الوقايه من الشمس 50 واحب الكريم .. وبشرتي مختلطه عشان تقيسون على نفسكم .
اما بالنسبة للشركات مو محدده شي معين ..
جربت قبل كذا نيفيا .. جددددا فاشل ووجهي يلمممع منه :(

بعد كذا جربت نيتروجينا .. مو سيء بس موب حلو :/

اخر  شي جربت من شركة Castalia   كنت ابي بايوديرما ونصحني الصيدلي بهذا .. سعره 120 او 140 ريال من صيدلبة  وايتس .

حبيته صراحه بس عيبه فيه ريحه موب زينه بس مجرد ماتحطين الواقي تروح .. حجمه 50 مل .. والوقايه حقته 50 .

طيب الواقي ياجميلات تحطونه قبل ماتطلعون بنص ساعه بعد الكريم المرطب تحطينه وبس :$ مافيه صعوبه بالموضوع ..
وفيه نصيحه ان الواقي ينحط حتى بالبيت عن نفسي ما احط ..
وتختارين الواقي المناسب لنوعية بشرتك ..
وحتى الشفايف فيه لها مرطبات للوقايه من الشمس ..


وبس هذا بوست خفيف واحسه مهههم لكثير بنات .. تعليقاتكم تهمني ..