هلا هلا :$ شمسوين كيف بداية الترم معكم ؟
والله علطول من اول أسبوع اعطتنا اختبار الله يسامحها دوبنا ماستوعبنا ان العطله خلصت هههههههه الا على طاري العطله كيف كانت عطلتكم سافرتوا والا بالرياض ؟ عادي فضفضو سولفوا احب السواليف :$ تعالوا بالانستقرام هذا حسابي @lamia.blog
والتويتر نفسه بعد :$
عاد احنا بالعطله رحنا يومين البحرين صعنونه أصلا . الشي الحلو انه كان وقت تخفيضات ، وانصدمممت بمولاتهم ماتوقعتها حلوة كذا يعني باث اند بودي كان 75% بس فيييه أشياء حلوه حنا بالرياض من يصير 50% يختفي كل شي ههههههههههههه .
المولات فيه السيف هو اللي حبيته وبضاعته حلوه ، مودا مول نفس سنتريا بس لساته جديد مافتح كلشي ، والسيتي سنتر هو الكبير فيه محلات كثييير وفيه توري بورش وايقنر هذولي مو عندنا بالرياض ، وفيه مولات ثانيه بس مارحنا لها
..
هذي صورة جماعية للمشتريااات ..
مريت باث اند بودي هذي اكثر ثلاث روايح حبيتها هذولي الحجم الكبير .
ريحة blackberry bramble tea
ريحة bellini café .
ريحة autumn .
ننتظر الخريف الجاي ونشغلها ههههههههه لازم نعيش نفسنا جو انه عندنا 4 فصول بالسنة.
كل الشمعات كانو ب 95 ريال وصارو 20ريال .
المعقمات ندمممت اني ماقشيت لان كان فيه أشياء تحمس بس استعجلت مااخذت الا هذا ب 5 ريال .
ومريت فكتوريا سيكرت عنده أشياء حلوه بس مكتفيه حاليا باللي عندي .
اخذت كريم كان ب 70 او 75 ريال اخذته ب 25 ريال .
هذا اسمه ريحتته جمييييله :$
احلى شي لقيت عندهم منتجات ذا بالم بس مو بمحل لا زي الكشك كذا P:
عاد دايم ودي اخذ بسبب اشكالهم تجنن :(
اخذت اضاءة ماري لو . سعرها ب 140 ريال .
جمييييله احطها على عظمة الخد .
ننتقل ل اتش اند ام . ماشفت الملابس كلها بس اخذت هذا الشي حسيته مو من ستايلي يعني نغير شوي
تخيله مع بلوزه ساده راح يعطي شكككل :$ وروج عنابي اهم شي هههههه
من زمان خاطري بسكارف ابيض وفيه حركه يامورد او شي :$
احب السكارفات والاشياء الزحمه اذا مالك خلق تلبسين والا تجهزين لبس اقرب بلوزه ساده وفوقها سكارف ههههههههه ايه والله احيانا نتعيجز P:
جممممميل :( ماقد شفت بالرياض كذا عند اتش اند ام .
الوانها حلوة :(
هذي كنت ماسكه نفسها فضي بالرياض ومتردده اخر شي تركتها ولقيت هذي لونها يعععععععععذب :(
كان خاطري بفلات بس ماحددت من أي محل بالضبط دخلت اشوف مايكل كورس ولفت انتباهي نفس هذا الأسود قلت يجي مع كلشي
اشوا انه مافيه مقاسي هههههههه اخذت البني وحبيته اكثثر :$
سعره ب 660 ريال .
ومريت spring مافيه شي حلو بالجزم تكرمون بس حبيت هالخواتم الذهبي الساده بالتحديد جميل :(
فور ايفر 21 جمممميل واحب اكسسوارته حلوه وعملييه .
اخذت هذا السلسال طوييل وناعم حلو مع لبس نعوم :$
برضوا حبيت :$
ينفعون للدوام احس .
تجنن لبستها كم مره
تتسكر بسهوله بس فتحها صعب شوي
وكل شوي اعدلها تدور الاسواره على يدي .
مع بعض واحد طويل وواحد قصير .
الطويل لبسته تحت الاسكارف وطلع حلووو .
هذا هابين فيه ب 200 ريال الناس يشترونه .
احس مايستاهل :$
لقيته بفور ايفر يمكن 25 او 30 ريال . بس مافي الوان :(
حبييييييييييييت :(
ناااعم :$
غريب شوي ماعندي من هالحركات ..
هذا جد عاجبني كم مره لبسته :$
وخلص البوست أتمنى انه عجبكم :$ يارب انه مو طويل وانسحب علي هههههههههههههه
اكتبو لي وش حابين يكون البوست الجاي ؟
ولا تنسون فولو بالانستقرام والتويتر حساباتي كتبتهم بأول البوست :$
وبس أتمنى لكم ويكند جمييل ان شاء الله .
تلبسيهم وتستعمليهم بلعافيه 😍😍😍
ردحذفالله يعافييك :$
حذفبالعافية عليك يارب وتتهنين ��
ردحذفتسلمين الله يعافيك
حذف